C I C E R O

starfsmanna- og vinnumál

launþegar, vinnuveitendur, stéttarfélög, sveitarfélög og ríkisstofnanir

Starfskjör, réttindi og skyldur

á almennum og opinberum vinnumarkaði

Lögmenn Cicero hafa víðtæka reynslu á hagsmuna- og réttindabaráttu fyrir launafólk, fyrirtæki, stéttarfélög, sveitarfélög og ríkisstofnanir. Segja má að vinnurétturinn sé sérstakt sérsvið stofunnar.

Frá stofnun Cicero hefur þessi málaflokkur verið einn sá fyrirferðarmesti í starfi stofunnar. Lögmenn Cicero hafa ekki einungis náð góðum árangri fyrir launafólk á almennum vinnumarkaði, heldur hefur árangurinn ekki verið síðri fyrir ríkisstarfsmenn og embættismenn. Jafnframt hafa lögmenn Cicero veitt fyrirtækjum, stofnunum og stéttarfélögum reglulega ráðgjöf vegna hinna ýmsu mála á þessu sviði.

Lögmenn Cicero leggja ríka áherslu á faglega og fræðilega nálgun við greiningu og úrvinnslu mála á sviði starfsmanna- og vinnuréttar, með tilliti til nýjustu stefna og strauma á alþjóðlegum vettvangi, þar á meðal nýjustu skýrslna Evrópuráðsins og nýjustu ályktana Evrópunefndar um félagsleg réttindi (e. European Committee on Social Rights).

Í þeirri viðleitni að skapa sér sérstöðu á þessu sviði lögfræðinnar fór Cicero í samstarf við Líf og Sál ehf., sálfræði- og ráðgjafastofu, sem er leiðandi á Íslandi í vinnustaðagreiningum og athugunum, svo sem á einelti, áreitni, ofbeldi og annarri ótilhlýðilegri hegðun á vinnustöðum.

Cicero er í þína þágu.

Lögbundin skylda allra atvinnurekenda

Atvinnurekendur bera margvíslegar skyldur vegna EKKO-mála samkvæmt lögum og reglugerðum, óháð stærð rekstrarins.

Viðbragðsáætlun

Er viðbragðsáætlun eða verkferlar til staðar í þínu fyrirtæki? Hvernig er brugðist við tilkynningum um EKKO? Ef ekki, getur Cicero aðstoðað þig við góða og ábyrga skipulagningu EKKO-mála.

Skaðabótaskylda

Bregðist atvinnurekandi ekki rétt við vegna EKKO-mála getur það leitt til skaðabótaskyldu og sömuleiðis orðsporsmissis eða -áhættu.

Mikill ávinningur

Ávinningur atvinnurekanda er mikill, bæði félagslegur og fjárhagslegur, þar sem gott og ábyrgt skipulag EKKO-mála skilar sér í betri stjórnun og betra starfsumhverfi.

Skjót og góð viðbrögð skipta sköpum

Til mikils er að vinna fyrir öll fyrirtæki eða stofnanir með góðri og ábyrgri skipulagningu EKKO-mála þar sem það leiðir gjarnan til betri stjórnunarhátta og betra starfsumhverfis. Að sama skapi er með góðri og ábyrgri skipulagningu EKKO-mála takmörkuð eins frekast er kostur orðsporsáhætta fyrirtækis og möguleg skaðabótaskylda.

Hafðu samband og við aðstoðum þig við ábyrga skipulagningu EKKO-mála innan þíns fyrirtækis.

Við látum verkin tala

Fylgstu með Cicero í framkvæmd

G A G N L E G A R    U P P L Ý S I N G A R

tenglar

smelltu á tölurnar og aflaðu þér gagnlegra upplýsinga á sviði vinnu- og starfsmannaréttar: