Cicero er framsækin lögmannsstofa sem byggir á traustum grunni í formi víðtækrar reynslu lögmanna stofunnar, en stofan er stofnuð í miðjum heimsfaraldri á verkalýðsdeginum 1. maí 2020, með það einkum að markmiði að mæta ákalli fólks og fyrirtækja um aukinn fyrirsjáanleika í annars vegar málskostnaði og hins vegar aðgerðum eða verkferlum hvers máls.

Í ákveðnum málaflokkum bjóðum við viðskiptavinum stofunnar upp á annars vegar föst tilboð í afmörkuð verk eða mál og hins vegar sérhæfðar þjónustuleiðir í mánaðarlegri áskrift gegn föstu gjaldi. Segja má að þjónustuleiðir þessar feli í sér talsverða nýbreytni hér á landi frá hinu hefðbundna tímagjaldi sem þekkist í sölu og veitingu lögfræðiþjónustu. Cicero er þó ekki að finna upp hjólið þar sem hugmyndin sækir sér stoðir í erlendar fyrirmyndir sem hafa notið mikilla vinsælda á Norðurlöndunum og í Bandaríkjunum. Virtar lögmannsstofur í þessum löndum hafa fetað þessa slóð og sýnt hvernig þjónustan varð ódýrari fyrir viðskiptavinina án þess að bitna á gæðum vinnunnar eða tekjum stofanna, þar sem vinnan varð einfaldlega skilvirkari og streituminni fyrir alla hlutaðeigandi.

Traust er áunnið og Cicero leggur áherslu á að vinna sér inn virðingu og traust viðskiptavina sinna með gæðavinnu sem stenst tíma- og kostnaðaráætlanir.

Cicero er í þína þágu.